ROXAS CITY – Ginkumpirma sang gobernador sang probinsiya ang pagre-schedule sang opening sang Malasakit Center sa Roxas Memorial Provincial Hospital (RMPH) nga patigayunon kuntani buwas nga adlaw Miyerkules, Nobyembre 6, 2019 nga kabahin sa aktibidad sang ika-50 ka tuig nga kaadlawan sang amay sang probinsiya, matapos nga indi makahingagaw ang tseke nga magaserbe pondo sa mga Capizeño nga nagakinahanglan sang bulig.
Ginpahayag ni Governor Esteban Evan Contreras II nga sa iya pagfollow-up sa talatapan ni Senator Bong Go, nahaibaluan nga on process sa gihapon ang nasambit nga tseke.
Apang ginpalab-ot sa gobernador nga gintinguhaan kuntani nga mahingabot sa iya nga kaadlawan bangud kasubong sa ginpromesa nga magaserbe ini nga birthday gift sa iya.
Apang sa indi mapaiway nga sirkumstansiya wala mahingagaw gani ginpakamaayo na lamang nga i-reschedule ini.
Posible suno kay Governor Contreras nga sa ini man nga bulan, kun ma-download na ang pondo nga maka-benepisyo ang mga nagakinahanglan nga mga pumuluyo sang probinsiya
Nahibaluan nga ginhingagaw nga matapos ang talatapan sang Malasakit Center sa RMPH antes pa ang opening sini bangud sa pagpati nga magatambong si Senator Bong Go.
