ROXAS CITY – Mas ginpasangkad pa sang Jamindan Municipal Police Station ang ila operasyon batuk sa illegal nga droga, agud mapabilin nga mangin malinong kag matawhay ang ila banwa.
Sa interview sang Bombo Radyo kay PLT. Joebert T. Delos Reyes hepe sang Jamindan Municipal Police Station, ginpahayag sini nga wala sila naga-untat sang ila responsibilidad sa pagpabilin sang kalinong sa ila lugar, ilabi na nga ang banwa lamang sang Jamindan sa bug-os nga probinsya ang ginakabig nga drug cleared.
Suno kay Delos Reyes, indi makuha sang ila banwa ang amu nga kadalag-an kun indi sa bulig kag kooperasyon nga ginahatag sang mga pumuluyo sang banwa sang Jamindan.
Mahibaluan nga asud-asud nga mga accomplishments ang nakuha sang Jamindan MPS ilabi na pag-abot sa paglimpyo sang ila banwa sa pagduso sang illegal nga droga.
Mensahe sini sa mga residente nga ipadayon lamang ang ila ginapahatag nga kooperasyon sa mga kapulisan kag magbuliganay agud gilayon nga matapna ang anu man nga sahi sang problema sa ila lugar.
