Operasyon sang Dog Pound sa Barangay Dinginan, Roxas City luyag nga ibalik ni City Councilor Midelo Ocampo

ROXAS CITY-Nag-apelar si City Councilor Midelo Ocampo sa iya mga kaupdanan sa Sangguniang Panlungsod nga solbaron ang madugay na nga problema natuhoy sa pagduging sang mga layaw nga ido sa siyudad sang Roxas.

Pinaagi sa iya privilege speech, ginpahayag ni Ocampo nga kinahanglan masolbar ang nasambit nga problema kag indi na paghulaton pa nga madugangang ang mga aksidente sa dalanon nga kun kaisa ginatunaan pa sang kamatayon sang mga motorista.

Suno sa nasambit nga konsehal nga luyag sini ibalik ang operasyon ang Dog Pound sa Barangay Dinginan sining siyudad.

Nahibaluan nga madamo sang mga pumuluyo ang nagapalab-ut sa iya natuhoy sa nasambit nga problema.