ROXAS CITY – Balik-normal na ang operasyon sang mga establisyemento, negosyo kag mga eskwelahan sa Taiwan kasunod sang pagpanalasa sang typhoon Lekima ukon bagyo nga Hanna.
Ini ang base sa report ni Bombo international correspondent Macel Venus, tumandok sang Capiz nga nabase karon sa New Taipei, Taiwan.
Ginpahayag sini nga wala man sang Pinoy nga napilasan sa pagpanalasa sang nasambit nga bagyo.
Mahibaluan nga una na nga ginkanselar ang biyahe sang mga eroplano kag nagpaguha man sang landslide warning bangud man sa pag-igu sang magnitude 6.0 nga linog sadtong Agosto 8.
Antes ang pag-igu sa Taiwan, dala sang Typhoon Lekima ang southwest monsoon ukon Habagat nga nagpaulan sa dako nga porsyon sang Pilipinas.
Sa karon suno sa iya, padulong na ang nasambit nga bagyo sa China partikular sa eastern commercial hub sang Shanghai.
