Nagapati ang Department of Justice nga konektado ang iligal nga operasyon sang Philippine Offshore Gaming Operators (POGO) sa Pilipinas kag mga ginapatindog nga scam hub sa pila ka mga pungsod.
Suno kay Justice Undersecretary Nicholas Felix Ty, sa pagkamatuod nga may relasyon ang mga scamming activities sini.
Ginhimo ni Ty ang pahayag kadungan sang ginhiwat nga ikaduha nga regional meeting sang Southeast Asian National Anti-Trafficking Committees.
Napamangkot ang opisyal kun pagaistoryahan sang komite kun may mga sindikato nga yara sa likod sang ilegal nga operasyon sang POGO sa Pilipinas mangin sa iban nga mga pungsod.
Ang nasambit nga pagtililipon ang gintambungan sang mga kinatawan sang pila ka mga kapungsuran kasubong sang Brunei, Cambodia, Indonesia, Myanmar, Laos, Thailand, kag Vietnam.
