ROXAS CITY -May gintukod nga opisina ang gobernador sa probinsiya sang Capiz para sa mga anay gobernador.
Pinaagi sa isa ka Executive Order, gintukod ang ‘’Capiz Council of Local Governance’’ nga pagabug-usan sang mga anay gobernador sang probinsiya.
Suno kay acting provincial administrator Edwin Monares tuyo sang tikang ni Governor Esteban Evan Nonoy Contreras nga makakuha sang suhestyon sa ginakabig walking experts nga mga anay opisyal sang gobyerno probinsiyal.
Nagapati si Governor Contreras nga daku ang mabulig sang mga anay gobernador sa pagdihon sang pila ka mga desisyon may kaangtanan sa mga programa ukon proyekto sang administrasyon.
Ini bangud experience wise, mas madamo sang mga experiensiya ang mga ex governors nga makabulig sa pagdumala sang Contreras administration.
Ginklaro man ni Monares nga bukas ini nga talatapan sa tanan nga nangin gobernador sang probinsiya.
