Ginsalakay sang mga otoridad ang opisina ni South Korean President Yoon Suk Yeol kahapon nga adlaw.
Ini ang sa tunga sang imbestigasyon sa iya nga deklarasyon sang martial law.
Ginpatigayon sang Special Investigation Team ang raid sa presidential office, National Police Agency, Seoul Metropolitan Police Agency kag National Assebly Security Service.
Base sa report, ‘wala si Pres. yoon sa iya nga presidential compound sang ikasa ang nasambit nga raid. Ang iya nga official residence ang yara sa separado nga lokasyon. Wala man ini nagapakita pa sa publiko humalin sang nagpangayo ini sang pasaylo sadtong Sabado sa pagdeklarar sang martial law.
Sa karon, ginbawalan si Pres. Yoon nga makaguwa sang SoKor bilang parte sang insurrection probe sa iya nga inner circle matapos ang gilayon nga pagbawi ukon suspensiyon sang martial law sadtong Disyembre 3.
Una na nga gin-aresto si anay defense minister Kim Yong-hyun sadtong Martes bangud sa pagpatuman sang martial law. Na-report naman nga gintuyo ni Kim nga magpakamatay sa detention centre gamit ang iya nga underwear matapos siya nga arestuhon.
Una na nga ginpahayag sang anay defense minister pinaagi sa iya nga mga abogado nga iya gin-ako ang bug-os nga responsibilidad kag ginpahayag nga ginasunod lamang sang iya subordinates ang iya mga mandu kag ginatuman lamang ang ila nga katungdanan.
