ROXAS CITY – Hugot nga ginapatuman sang mga barangay officials ang pag-implementar sang Extreme Enchanced Community Quarantine sa Barangay Dayao Roxas City.
Ginpabutyag ni Barangay Kagawad William Aguiling nga tatlo ka grupo ang nagabantay sa checkpoint sa diin ang una nga grupo ang nagabantay humalin ‘las 6 sa aga tubtob ‘las 12 sa udto, ikaduha nga grupo naman ang nagabantay humalin ‘las 12 sa udto tubtob ‘las 6 sa gab-i kag ang pinakaulihi nga grupo amo ang nagabantay humalin ‘las 6 sa gab-i tubtob ‘las 6 sang mag-aga.
Suno kay Kagawad Aguiling nga mas ginpasangkad pa ang hugot nga pagbantay sa checkpoint sa aga bangud madamo ang naga-agi kun ikumparar sa gab-i.
Samtang wala pa sang abiso gikan kay punong barangay Emily Ariza kun temporaryo nga maga-untat ang mga barangay officials sa pagbantay sa border sang amo nga barangay kadungan sang pag-obserbar sang semana santa.
