Opisyales sang barangay boluntaryo nga ginsungka ang armas-luthang sa mga kapulisan

ROXAS CITY – Boluntaryo nga ginsungka ni Punong Barangay Albert Calipayan, sang Barangay San Jose sini nga syudad kaupod sanday Barangay Kagawad Joselito Cordovero, kag Chief Tanod Rolando Dasilag, ang isa ka unit sang .38 homemade revolver kag bala nga wala sang serial number sa mga katapo sang Roxas City PNP.

Nahibaluan nga bunga ini sang ginpasangkad nga Tokhang Kontra Armas Luthang (TKAL) nga kampanya sang mga kapulisan batuk sa paghupot sang iligal nga armas-luthang.

Sa karon, yara sa paghinakup sang nasambit nga police station ang amu nga armas para sa nagakaigo nga disposisyon.