CULASI ROXAS CITY – May ginahimo na nga tikang ang opisyales sang Barangay Culasi, kadungan sang ginapahayag nga tuyo nga pagpangkidnap sa isa ka estudyante sang damlag lang.
Sa interview sang Bombo Radyo kay Punong Barangay Bermie Barrientos sang nasambit nga lugar, ginpahayag sini nga matapos mahibaluan ang amu nga insidente gilayon siya nga nagpatawag sang emergency meeting sa ila Barangay Tanod agud bantayan ang seguridad sang mga kabataan ukon estudyante sa mga eskwelahan.
Suno kay Barrientos, nagpahamtang ini sang 2 ka mga barangay tanod sa eskwelahan subong man sa ila barangay hall.
Kadungan sini nagpatuman man ang opisyal sang curfew ilabi na sa mga pamatan-on nga kutob alas 10:00 sang gab-i lamang sa guha sang ila balay ukon mga pampubliko nga lugar.
Nagapatigayon man sila sang roving sumugod alas 7:00 sang gab-i tubtob ala 1:00 sang kaaganhon.
Panugyan sang Punong Barangay sa mga ginikanan nga kung mahimo bantayan ang ila mga kabataan ilabi na ang mga magagmay pa lamang agud malikawan nga masulit ang kaangay sini nga insidente.
