ROXAS CITY, CAPIZ- Ginkumpirmar ni Punong Barangay Wennie Batuampo sang Barangay Dayao, Roxas City nga maya yara na sang impormasyon nga nabaton ang ila nga talatapan angut sa identity sang kawatan nga nagpang-atake sa ila nga barangay kadungan sang pag-igo sang Bagyo Opong.
Sa interview sang Bombo Radyo, iya ginpahayag nga isa ka gina-construct nga balay malapit sa highway sa Purok 1 ang ginsulod sang kawatan, sa diin nga nakuha sini ang isa (1) ka welding machine, isa (1) ka barina, isa (1) ka grinder, kag isa (1) ka bag-o nga bakal nga extension nga nagabalor sa P1,500.
Suno kay Batuampo, base sa kuha sang Closed-Circuit Television (CCTV) footage takna las 11:00 sang gab-i sang Setyembre 26, kaangay nga matawhay lang ang estilo sang kawatan. Una ini nga nagpang-flashlight kag nagdugay sang isa ka oras sa sulod sang balay antes ini nga nagsakay sa colorum nga tricycle.
Pahayag pa nya, sa subong indi pa nila mapaguha ang pangalan sini apang ginakabig ini nga isa ka gabunan nga kawatan kag perwisyo sa ila nga barangay.
Dugang pa sang natungdan, padayon nila sa karon nga ginalalip ang amo nga persona kag ginahibalo kun sa diin sini ginpangbaligya ang mga ginpangkawat nga kagamitan.
Nagpanawagan man si Batuampo sa mga pumuluyo nga mangin maaligmat kag pasiguruhon nga nakapangsirado ang tagsa ka mga puluy-an agud nga malikawan nga mabiktima sang mga kawatan.
Interviewed by Bombo Jessa Mae Siman De Los Santos
