ROXAS CITY – Preparado na ang opisyales sang Barangay Pawa banwa sang Panay para sa palaabuton nga kapiyestahan ni San Juan de Bautista sa Lunes nga adlaw Hunyo 24, 2024.
Sa interview sang Bombo Radyo kay Punong Barangay Edgardo “Pangging” Baguio ginpahayag sini nga sa ila ginpatigayon nga paghinun-anun kaupod ang ila mga opisyales sang barangay, ila nahinalaan ang mga tikang nga kinahanglan ipatuman sa nasambit nga adlaw.
Suno kay Baguio, partikular nga ila pagatutukan ang parking space sang mga salakyan kag motorista nga magpadulong sa lugar subong man ang safety measures sang publiko nga magapaligo sa baybayon.
Panugyan sini sa tanan ilabi na ang magapadulong sa ila lugar nga magkooperar sa ila mga tikang kag pagsulundan nga ginapatuman agud mangin masadya kag matawhay ang pagselebrar sang kapiyestahan ni San Juan de Bautista.
