ROXAS CITY-Nagapadayon sa karon ang ginapatigayon nga “Oplan Ligtas Pamayanan” sang mga katapo sang Bureau of Fire Protection sa banwa sang Panitan.
Ini ang ginpahayag ni Senior Fire Officer- II Marlon Garbo, Acting Municipal Fire Marshall sang BFP-Panitan Fire Station sang mainterview sang Bombo Radyo.
Suno kay Garbo nga ang nasambit nga lihok ang isa ka nationwide program sang Bureau of Fire Protection (BFP).
Tinutuyo sini ang pagpili sa mga kabarangayan nga mangin kaupod sa paglunsyar sang nagkalin-lain nga aktibidadis nga sarang makabulig sa barangay kapareho na lamang sang nagakaigo nga aksyon sa mga pumuluyo sa tion nga may magluntad nga sunog.
Kalakip sa mga barangay nga ginpili sang BFP-PAnitan amo ang Barangay Intampilan,Tabuc Sur, Poblacion-Ilawod, kag Poblacion-Ilaya, Panitan, Capiz.
Kabahin sini ang pagpatigayon sang rekorida agud ipalab-ut sa mga pumuluyo ang mga impormasyon nga natuhoy sa paglikaw sa sunog kag COVID-19.
