Ginpakigbahin sang OPM singer nga si Rico Blanco nga bukas gihapon siya sa ideya sang pagpangasawa kag pagbaton sang bag-o nga karelasyon, basta makilala niya ang husto nga tawo.
Suno kay Rico, sang primero abi niya magatigulang lang siya, apang nagbag-o ini pagkatapos sang pila niya ka mga nakarelasyon.
Gin-ako sini nga single siya sa subong, apang wala niya ginasirado ang posibilidad nga magpalangga siya liwat.
Ginpanindugan sini nga kun magpakasal gid man siya, dapat sa husto nga tawo kag indi bangud sa pressure ukon obligasyon, ilabi na sa iya edad.
Matandaan nga ang katapusan nga relasyon ni Rico amo ang aktres kag singer nga si Maris Racal, nga natapos sa ila pagbulagay sang Hulyo 2024, sa diin natun-an niya ang importansya sang paghatag sang iya tanan sa paghigugma.
