Ordinansa nga ‘baybayon ko, limpyuhan ko’, hugot nga ginapatuman sang mga business establishments

ROXAS CITY – Hugot nga ginapatuman sang mga business establishments ang ordinansa nga “An ordinance requiring commercial establishments along the coastal waters of Roxas City to maintain beach cleanliness ukon “Baybayon ko, limpyuhan ko”.

Sa pakig-angut sang Bombo Radyo kay Jasmine, staff sang isa ka kalan-an suno diri, sumugod sang naglupok ang pandemya talalupangdon na ang amat-amat nga paglimpyo sang baybayon bangud limitado na lang nga mga tawo ang nagapadulong diri.

Suno diri, nagakadapat lang nga striktuhon ang pag-implementar sang ordinasa bangud para man ini sa ikaayo sang pumuluyo, lugar, palibut kag negosyo.

Dugang pa ni Jasmine, nga indi dugang nga hilikuton para sa ila ang nasambit nga ordinansa bangud adlaw-adlaw man sila nga nagapanglimpyu kag ginagamit sang insakto ang basurahan.

Matandaan nga gin-aprubahan sang City Council sang Martes, Agosto 23 ang ‘Baybayon ko, Limpyuhan Ko’ nga ordinansa nga ginduso ni City Councilor Francisco Luis Viterbo nga may katuyuan nga mapabilin ang katinlo sang baybayon sang syudad kag makabulig sa pagpasanyog sa sektor sang turismo.