ROXAS CITY, CAPIZ- Aprubado na sa Sangguniang Panlalawigan sang probinsya sang Capiz ang ordinansa nga ginaduso natuhoy sa pagproteher sa Capiz Bridge sa syudad sang Roxas.
Sa interview sang Bombo Radyo kay Roxas City Councilor Fernando Luis Viterbo, Chairman sang Committee on Economic Enterprises, iya ginpahayag nga kinahanglan ang amo nga lihok nga mapatuman agud nga masiguro ang safety sang amo nga taytay antes paman ini nga kaayuhon.
Suno kay Viterbo, ang Capiz Bridge ang naga-edad na sang masobra 100 years old sa diin ginadumilian na ang pag-agi sang mga dalagko kag mabug-at nga mga salakyan.
Dugang pa nya, siguruhon sang ila nga talatapan nga mapadasig kag mapag-on ang pagkaayo sang taytay.
Nagpanawagan ang konsehal sa mga motorista nga kun ginadumilian nga maglabay sa taytay ang ila ginamaneho nga salakyan, magpangita lang anay sang iban nga ruta para sa safety sang kadam-an.
Interviewed by Bombo Sunnie Mae Constantino Batencila
