Ordinansa nga pagsuksok sang face mask kag pagpatuman sang physical distancing sa Roxas City hugot nga ginapatuman

ROXAS CITY – Istrikto nga ginapatuman sa karon ang ordinansa angut sa pagsuksok sang face mask kag physical distancing sa tanan nga mga motorista sa syudad sang Roxas.

Ginatutukan sa karon sang pamunuan sang Traffic Management Unit ukon TMU ang nasambit nga ordinansa kag ginatsekyar kun nagasunod ang mga motorista.

Ginapangitaan man sang quarantine pass ang nagasulod nga motorista kag ginasiguro nga nagaguwa sila sa ila balay para magbakal lamang sang ila kinahanglanon.

Sa sin-o man nga madakpan nga nagalapas sa ordinansa ang magabayad sang P1,000 sa 1^st offense, P2,000 sa 2^nd offense kag P5,000 sa 3^rd offense kag mapreso pa sang 15 diyas.