Nag-file na ang Office of the Solicitor General subong nga adlaw sang Lunes sang quo warranto petition batuk kay suspended Bamban, Tarlac Mayor Alice Guo nga mahimo nga magresulta sa dalayon nga pagkakas sini sa posisyon sa gobyerno.
Sa petisyon nga ginserbe sa Manila Regional Trial Court, makit-an sa una nga panid nga ang nakabutang nga respondent amo si Guo Hua Ping a.k.a Alice Leal Guo.
Una na nga ginkumpirmar sang National Bureau of Investigation nga si Guo kag Chinese passport holder nga si Guo Hua Ping ang may pareho nga fingerprints nga nagapakita nga isa ka tawo lamang.
Matandaan sadtong una nga bahin sang Hulyo, nag-file ang OSG sang petisyon nga nagahinyo agud ikansela ang birth certificate ni Guo.
Una na nga ginpahayag ni SG Menardo Guevarra nga sat ion nga kanselahon ini, madulaan sang importante nga depensa nga nauyatan ang suspendido nga opisyal may kaangtanan sa identity sini.
Apang sa bahin naman ni Guo, makapila nga beses sini nga ginpanginwala ang mga alegasyon batuk sa iya nga ginapahayag imbolbado ini sa ginsalakay nga POGO hub sa iya banwa sa Bamban nga ginakaulamiran sa mga ilegal na operasyon.
