Ginpaandaman sang Department of Migrant Workers (DMW) ang publiko batuk sa peke nga overseas job postings nga gina-anunsiyo sa social media.
Suno kay Migrant Workers Secretary Hans Leo Cacdac, ginagamit nga illegal postings ang mga pangalan, address, kag logo sang lehitimo nga DMW-licensed recruitment agencies agud tuntuhon ang prospective applicants.
Dugang pa sini, ang ginatanyag nga trabaho sa iban nga pungsod ang ginakaulamiran sang direct hiring schemes nga ilegal kag wala sang permiso sang DMW.
Pahayag pa ni Cacdac, ang job offer nga nagapabayad gilayon sang fees pinaagi sang electronic transfer ang indikasyon sang scam.
Siling pa ni Cacdac nga ang pagpangolekta sang fees gikan sa isa ka applicant ang kinahanglan permi nga may official receipt, nga nagasaad sang balor nga ginbayaran kag kun para sa din ang ginbayaran.
Base sa datos, sang Agosto subong nga tuig, may kabug-usan nga 23,731 ukon 97.28 percent sang 24,398 accounts kag posts nga nagatanyag sang peke nga overseas jobs ang ginkakas kag gindeactivate sang isa ka media platform sa Pilipinas kasubong sang ginhinyo sang DMW.
