ROXAS CITY – Halos katunga sang mga personnel sang Roxas City PNP ang overweight.
Ginpahayag ni Police Lt. Col. Ricardo Jomuad Jr., hepe sang Roxas City PNP, bilang pagtuman sa mandatu ni PNP chief Lt. General Archie Gamboa sa mga police nga overweight ukon obese, ginhatagan sila sang anum ka bulan agud mangin physically fit.
Suno kay Jomuad nga liwat gin-activate ang programa, agud ma-motivate ang mga overweight nga mga pulis nga magpaniwang kag malab-ot ang ideal body mass index.
Kalakip sa mga programa nga magabulig para sa pagpaniwang sang mga overweight nga mga pulis amo ang semanal nga zumba session kag physical fitness program sa area sang Capiz Police Provincial Office (CPPO).
Magluwas diri gina-encourage man sila nga mag-exercise kada adlaw kag magdiet agud mangin healthy kag physically fit.
Pananglitan nga indi malab-ot sang pulis ang ginarequire nga ideal weight sini sa sulod sang anum ka bulan, indi sila mahimo nga makapa-promote, schooling para sa career advancement.
