Gin-usisa naman ni Senator-judge Francis “Kiko” Pangilinan ang former state auditor sang Commission on Audit–Intelligence and Confidential Funds Audit Office (COA-ICFAO) nga si Atty. Roderick Wamil kun may iban pa nga ahensya ang nagpasa man sang liquidation documents nga wala sang official receipts ukon sales invoices.
Sabat ni Wamil nga may pila ka ahensya nga nagpasa sang acknowledgement receipts (ARs), samtang ang iban naman ang nagpasa sang official receipts kag sales invoices sa ahensya.
Apang gin-athag ni Wamil nga indi niya makabig nga kinaandan nga praktis ang pagsumiter sang ARs lamang.
Suno sa iya, sa sulod sang 10 ka tuig niya bilang COA auditor, ang Office of the Vice President ang pinakauna nga ahensya nga iya na-audit nga lunsay acknowledgement receipts lamang ang ginpasa bilang liquidation documents.
