Padayon ang pagpakig-angut sang Overseas Workers Welfare Administration (OWWA) sa mga pamilya sang Overseas Filipino Workers nga naapektuhan sa nagluntad nga sunog sa Kuwait sang damlag lang.
Suno kay OWWA Administrator Arnell Ignacio, wala naga-untat ang ila ahenysa sa paghatag sang nagakaigo nga suporta sa naapektuhan sang trahedya sa pamilya ilabi na sa tatlo ka mga Filipino nga ginbawian sang kabuhi bangud sa insidente.
Madasig naman suno diri nga naghatag sang aksyon kag ginpadulungan sang katapo sang Department of Migrant Workers kag Overseas Workers Welfare Administration-Kuwait ang mga OFW nga biktima sang sunog santo sa direktiba ni Pangulong Ferdinand “Bongbong” Marcos Jr. sa ila.
Samtang, mas ginpasangkad pa sang OWWA ang ila koordinasyon sa Department of Foreign Affairs kag Department of Migrant Workers agud masiguro ang madasig nga pagpauli sa bangkay sang mga biktima kag agud masiguro ang kaluwasan sang iban pa nga mga Filipino nga yara sa nasambit nga pungsod.
