ROXAS CITY – Nagpromesa ang Overseas Workers Welfare Administration (OWWA)- Region 6 nga himoon ang tanan agud mabuligan nga makapauli sa Capiz ang Capizeña overseas Filipino worker (OFW) sa Kuwait nga ginapagutuman sang iya nga employer.
Gin-updan ni Vice Governor Esteban Nonoy Contreras ang iloy kag utod ni Yolanda Villasis sang Barangay Agambulong, Jamindan, Capiz sa talatapan sang OWWA- Regional Office 6 kag personal nga naestorya si Regional Director Wilfreda Misterio kag ginpalab-ot ang sitwasyon sang ila himata.
Ginganyat man ni Vice Governor Contreras ang pamilya ni Villasis nga magsumite sang complaint sa OWWA Region 6 para magserbE nga balasehan sa patigayunon nga imbestigasyon sa sitwasyon sang nasambit nga OFW sang ahensiya.
Obligahon man sang OWWA ang Non-Stop agency ni Villasis nga maghimo sang tikang agud mabuligan ang OFW nga makabiya sa iya nga employer.
