Nagtambong sa send-off kag thanksgiving mass ang P-pop girl group nga BINI bilang preparasyon sa ila palaabuton nga pasundayag sa Coachella Valley Music and Arts Festival.
Suno sa grupo, importante sa ila ang pagpangamuyo antes ang tagsa ka dalagku nga kahiwatan.
Ginpakigbahin ni Jhoanna nga kinaandan na nila ang paghiwat sang misa sa tagsa ka kahiwatan bilang pagpasalamat kag pagpangayo sang guide.
Samtang, gin-ako ni Mikha nga Wala pa lubos nga naga-sink in sa ila Ang makasaysayan nga kahigayunan nga mag-perform sa Coachella, apang handa sila nga maghatag sang ila 100 percent nga performance.
Natalana nga mag-perform ang BINI sa Coachella sa Abril 10 kag 17, kag mangin una nga Filipino homegrown group nga maga-perform sa kaangay nga international music festival.
