Liwat nga naghimo sang kasaysayan ang P-pop group nga SB19 matapos napilian bilang una nga Filipino group nga magahaboy sang ceremonial first pitch sa hampang sang Major League Baseball (MLB) sa USA.
Ang ini nga kahiwatan kabahin sang ila international tour, nga paagi sini padayon nila nga ginapakita ang Filipino music sa international stage.
Natalana man sila nga mag-perform sa Grammy Museum, Lollapalooza, kag Summer Sonic sa Japan.
Sa nasambit nga milestone, maka-upod sang SB19 ang mga Pilipino nga sanday Manny Pacquiao, Liza Soberano, kag Jo Koy sa listahan nga nakahaboy sang ceremonial first pitch sa MLB.
Malipayon naman nga gin-abi-abi sang A’TIN Ang panibag-o nga kadalag-an sang grupo, nga ginakabig ini nga isa ka testamento sa padayon nga pag-uswag sang SB19 kag OPM sa pangkalibutanon nga entablado.
