Pormal na nga natapos sang Land Transportation Franchising and Regulatory Board (LTFRB) ang pagpanagtag sang ₱135 milyones nga pondo para sa fuel subsidy sang mga tsuper sang taxi sa nagkalain-lain nga bahin sang pungsod.
Suno kay LTFRB Chairman Vigor Mendoza II, 5,440 ka mga taxi driver ang nakabaton sang ₱5,000 nga cash assistance kada isa.
Ang nasambit nga bulig-pinansyal ginpangunahan sa ikaduha kag pinal nga adlaw sang distribusyon sadtong Abril 25.
Base sa datos sang ahensya, naglab-ot sa ₱27.2 million ang napanghatag sa ikaduha nga adlaw, kasunod sang una nga ₱10 million nga na-release sadtong Abril 24.
Dugang pa nga naglab-ot sa kabug-osan nga ₱135 million nga pondo nga ginpain para sa sektor sang taxi.
Samtang, nagapadayon man ang koordinasyon sang LTFRB sa Department of Energy (DOE) kag Land Bank of the Philippines para sa dugang nga mga programa kag bulig sa sektor sang transportasyon.
