Aprubado na sang Department of Budget and Management (DBM) ang pagpaguha sang P14.046 billion para sa pensiyon sang military retirees para sa period sang Hulyo tubtob Setyembre 2024.
Gin-aprubahan ni Budget Secretary Amenah Pangandaman ang ginhinyo sang Department of National Defense – Armed Forces of the Philippines para sa pagpaguha sang pondo sadtong Hunyo 14.
Pahayag ni Pangandaman nga ang pag-apruba ang nagapakita sang dedikasyon sang gobyerno nga kilalahon ang serbisyo kag sakripisyo sang mga suldado nga Pinoy.
Magahatag sang benepisyo ang pondo sa 139,172 pensioners, kalakip ang requirements para sa pagpadayon, paghalin kag pagbalik sang pensiyon sang military retirees kag sang ila mga legal nga benepisyaryo.
Kuhaon ang pondo sa Pension and Gratuity Fund sa idalom sang Fiscal Year 2024 General Appropriations Act.
