Nakumpiskar sang mga Personnel sang Philippine National Police (PNP) kaupod ang National Meat Inspection Service (NMIS) ang nakumpiskar sang ginabulubanta ₱2.3 million nga balor sang ginapatihan “hot meat” sa ginpatigayon nga operasyon sa isa ka pasilidad sa Marilao, Bulacan.
Suno sa report, ginpatigayon ang operasyon matapos makabaton sang impormasyon angut sa iligal nga pagbaligya sang karne nga wala sang nagakaigo nga dokumento kag inspeksyon.
Isa ka daku nga kadamuon sang karne nga ginasuspetsahan nga wala nakaagi sa nagakaigo nga proseso sang inspeksyon ang nakita sa lugar, nga posible nagahatag sang risgo sa ikaayong lawas sang publiko.
“Ini nga sahi sang karne indi dapat ibaligya sa merkado bangud wala ini nakapaidalom sa nagakaigo nga pagtesting. Delikado ini sa ikaayong lawas sang konsumidor,” pahayag sang isa ka opisyal gikan sa NMIS.
Padayon pa nga ginahibalo sang mga otoridad kun sa diin naghalin ang karne kag kun sin-o ang yara sa likod sang nasambit nga operasyon. Posible nga pasakaan sang kaso ang mga involved bangud sa paglapas sa Republic Act No. 9296 ukon sa Meat Inspection Code of the Philippines.
