Roxas City – Kasunod sa ginpadala nga sulat sa opisina ni Board Member Victor Tanco Jr.,chairman sang committee of ways and means may yara sang pila ka mga ammendments kag ordinansa sa revenue code ang nahinalaan sa ginpatigayon nga public hearing.
Isa na diri ang pila ka mga sports facility sa Capiz Villareal Stadium.
Ginpahayag ni BM Tanco nga dulaon na ang pagbayad sang P2 nga entrance fee sa stadium.
Apang may pila ka mga gin-implementar nga pagsuluktan sa stadium kasubong na lamang sa P50 nga balayaran sa paggamit sang basketball kag volleyball court outdoor para sa maintenance sang nasambit nga facilidad.
Subongman ang fitness gym nga nagalab-ot sa 5 mil tubtob 8 mil pesos ang renta.
Magluwas diri iban nga mga facilidad ang magapabilin sa gihapon sa kinaandan nga balayaran.
Kalakip na diri sa swimming pool area nga P50 sa adults kag P20 naman sa kids kag paggamit sang Capiz Gynasium ukon Pavillon nga P500 kada oras.
Apang, ginklaro ni Tanco nga ginahulat na lamang nila ang computations sang Capiz Electric Cooperatives (CAPELCO) sa mga ginagamit nga suga sa nagkalain-lain nga mga facilidad sa diin nakadepende diri ang pagsukot nila sa tion nga maaprubahan na ini.
