Mahimo na nga makabakal sang publiko ang P20 kada kilo nga bugas sa old Capiz Provincial Capitol Grounds sa palaabuton nga Abril 19, 2026.
Sa interview sang Bombo Radyo kay Raoul Perez, Acting Provincial Agriculturist sang Office of the Provincial Agriculturist, iya ginpahayag nga paagi sa amo nga programa, makabulig ini sa mga pumuluyo nga makabakal sang maayo nga klase sang bugas sa mas barato nga presyo.
Suno kay Perez, mahimo makabakal sang bugas ang mga senior citizen, persons with disability (PWD), mga mangunguma, fisherfolks, kag iban pa nga interesado nga magbakal.
Dugang pa ni Perez, yara sa 200 ka sako sang bugas ang ila igabaligya nga sarang mabakal sang ginabanta 1,000 ka katawo.
Ginpasiguro man ang natungdan nga maayo ang kalidad sang bugas nga igabaligya nga halin sa National Food Authority (NFA), agud maka-avial sang de-kalidad nga bugas tanan.
