Ginbuyagyag sang isa sa 18 ka mga ginatawag nga maleta boys nga gintanyagan sila sang P20 million tubtob P25 million agud mag-recant ukon magbaliskad sang ila mga istorya nga naga-implikar sang pila ka mga opisyal sang gobyerno lakip na sanday President Ferdinand Marcos Jr. kag anay House Speaker Martin Romualdez bangud sa korapsyon sa flood control projects.
Ginhimo ni George Villanon Jr. ang pahayag matapos nga nagpirma sang recantation affidavits ang apat nila ka mga kaupdanan. Gin-ako sang apat nga indi matuod ang ila original nga joint affidavit.
Wala naman ginhingadlan ni Villanon kon sin-o ang nagtanyag sa ila sang daku nga kantidad sang kwarta.
Sa pihak nga bahin, nagpanginwala nga ang ila iban nga mga kaupod luyag magbawi sang ila affidavit, kag nagsiling nga nagatindog sila sa kamatuoran sang ila mga sugilanon.
Una na nga ginpanghiwala ni Atty. Levito Baligod ang akusayon sang apat ka maleta boys nga ginapanguwartahan niya angiya mga kliyente agud makahimo sang joint affidavit.
Madumduman sang Pebrero sang una nga ginpakilala ni Baligod ang 18 bilang mga ex-marines, nga ginaalegar nagserbe nga bagmen ni anay Rep. Zaldy Co bangud sa pagdala sang P805 billion nga kickbacks halin sa maanomaliya nga flood control projects.
