Kapin ₱216.9 milyon nga pondo gikan sa Department of Budget and Management ukon DBM ang opisyal na nga na-download sa kaban sang Local Government Unit sang Panay para sa nagkalain-lain nga proyekto sa imprastraktura.
Sa interview sang Bombo RAdyo kay Panay Mayor Jonathan “Sonny” Besa, nabaton na sang iya talatapan ang notisya tuhoy sa ₱216,925,000 nga pondo nga gin-aprubahan para sa mga proyekto sa banwa.
Lakip sa mga proyekto ang pagpatindog sang bag-o kag moderno nga Panay Municipal Hall nga nagabalor sang ₱150 milyon; konstruksyon sang hanging ukon steel bridge sa Barangay Ilamnay nga nagabalor sang ₱17 milyon; concreting sang Barangay Pili-Bagacay Road nga nagabalor sang ₱16.425 milyon; kag concreting sang Barangay Bahit Road nga nagabalor sang ₱13.5 milyon.
Nagpasalamat naman si Mayor Besa kay Capiz First District Representative Howard Guintu kag kay Hutch Altavas halin sa talatapan ni Senator Tito Sotto sa ila bulig kag pag-follow up agud madasig ang pag-apruba sang nasambit nga pondo.
Suno sa alkalde, dako man nga bagay ang padayon nga pangamuyo kag pagtuo sa Ginoo nga amo ang nangin pamaagi agud matuman ang mga importante nga proyekto nga makahatag benepisyo sa mga Pan-ayanon.
