-- ADVERTISEMENT --
Nagnubo sang 27% ang balor sang nadakpan nga peke nga produkto sa pungsod sang 2025, nga naglab-ot sa P29.54 billion halin sa P40.99 billion sang 2024, suno sa Intellectual Property Office of the Philippines (IPOPHL).
Kadam-an sa mga ini ang nagikan sa BOC nga nagabalor P26.38 billion, ginsundan sang NBI kag PNP, samtang may P5.77 million halin sa FDA. Mas madamo nga operasyon ang ginpatigayon sang 2025—4,422 kun ipaanggid sa 1,650 sang 2024—bangud sa mas strategic nga pagpatuman kag pagdabong sang online transactions.
Pinaka-infringed products amo ang apparel kag bag, nagsaka ang consumer complaints sa 276. Suno sa IPOPHL, delikado ang piracy sa negosyo kag safety sang publiko.
