Nakatalana nga magpaguha sang P328 million nga pondo sang Department of Health (DOH) para sa 22 tertiary hospitals sa bilog nga pungsod para bayaran ang galastuson sa pagpabulong.
Ang pagbayad sang hospital bills sang mga pasyente nga naka confine kag nagapaidalom sa pagbulong ukon under medication ang kabahin sa mga birthday gifts ni Presidente Ferdinand R. Marcos Jr. pinaagi sa programa nga “Handog ng Pangulo: Serbisyong Sapat para sa Lahat.”
Sa speech sini sa paglunsyar sang “Agri Puhunan at Pantawid Program” sa Guimba, Nueva Ecija, ginsiling ni Presidente Marcos nga luyag sang gobyerno nga talupangdan ang kinahanglanon nga medikal sang mga tawo nga naka confine kag nagapaidalom sa pagbulong sa mga pampubliko nga ospital.
“Kaya po sa araw na ito, sasagutin po natin ang lahat ng bayarin ng mga pasyente sa lahat ng pampublikong Level 3 hospital sa bansa katulad ng Dr. Paulino Garcia Memorial Hospital dito sa inyo,” pahayag ni Pres. Marcos, nga nakuka sang mga palakpakan halin sa mga taga-Guimba.
Ginlunsyar subong nga adlaw sang Biyernes ang programa nga “Handog ng Pangulo: Serbisyong Sapat para sa Lahat.” Dungan ini nga ginapanghatag nga buligh kag paghatag sang serbisyo sang gobyerno sa 82 ka mga probinsya sa bilog nga pungsod.
Ang tuyo sini nga hatagan sang kapangyarihan ang mga Pilipino nga mapaayo ang ila nga kabuhi pinaagi sang mga programa, paghasa, kag bulig sang mga starter; para mas mangin accessible kag mas malapit sa mga Pilipino ang mga serbisyo sang gobyerno nga paghulag padulong sa isa ka Bagong Pilipinas.
Kalakip sa mga ahensya sang gobyerno nga maghatag sang serbisyo ang Department of Agriculture (DA), Department of Social Welfare and Development (DSWD), Department of Health (DOH), kag Department of Trade and Industry (DTI).
Nagakig-isa man sa programa ang Department of Labor and Employment (DOLE) kag Technical Education and Skills Development Authority (TESDA).
