P400 sa 3 lang ka kilometros nga kalayuon sang biyahe, ginsukot sang colorum nga tricycle driver sa iya pasahero sa Roxas City

ROXAS CITY – Aga pa na-stress ang isa ka commuter matapos nga ginsukot ini sang driver sang colorum nga traysikol sang P400 nga plete para sa ila nga duha sang iya Tiya, halin sa Roxas City Airport padulong sa St. Anthony Hospital.

Nahibaluan nga halin sa Arnaldo Boulevard padulong sa San Roque Ext. may yara gid lamang sang 3.1 kilometers.

Sandig sa facebook post ni EJ Rosal, ginkadismaya sini matapos nga ginsukot ini sang tag-P200 sa ila nga duha sang iya tiya, sa tion nga nagpanaog na ang mga ini.

Wala man sini makuha ang pangalan sang driver apang natigayon sini nga matandaan ang plate number sang salakyan.