Personal nga nagbisita si Department of Energy Secretary Sharon Garin sa Masbate agud nga i-innspect ang halit nga ginbilin sang Severe Tropical Storm Opong sa mga imprastruktura sang ahensya.
Suno kay Garin, ginabulubanta P400 million ang kinahanglanon agud makay-o ang mga naguba nga mga linya sang kuryente.
Kaupod sini sa pagpadulong sa Masbate amo ang mga opisyal sang National Electrification Administration kag National Petroleum Council sa pagtumod sang kadakuon sang halit.
Gindayaw man sang secretary ang mga lineman halin sa nagkalain-lain nga electric cooperatives nga nagbulig sa idalom sang Task Force Kapatid agud unahon ang mga kritikal nga pasilidad kasubong sang ospital kag evacuation centers.
Samtang, nagapabilin nga blackout ang Masbate Electric Cooperative (MASELCO), samtang may partial power interruption naman ang 11 ka iban pa nga kooperatiba sa nagkalain-lain nga probinsya bangud sa epekto sang bagyo Nando, Opong, kag Habagat.
