ROXAS CITY-Ginkompirmar ni City Councilor Midelo Ocampo nga gin-aprubahan sang Sangguniang Panlunsod ang supplemental budget nga nalakip ang cash incentives kag bonus sang mga empleyado sang City Government subong nga Disyembre.
Sa interview sang Bombo Radyo Roxas kay Ocampo ginpahayag sini nga gin-aprubahan sang Sangguniang Panlunsod ang kapin P48 milyones nga supplemental budget kun sa diin nalakip na diri ang bonus sang mga regular, casual,contractual kag mga job hire employees sang gobyerno sang siyudad.
Wala gintumod ni Ocampo kun pila ang mabaton nga bunos sang mga empleyado apang nagpasalig ini nga ihatag na ini sa ila sa madasun nga semana.
Magluwas sa mga mga bunos sang mga empleyado, nalakip man sa gin-aprubahan nga supplemental budget ang kapin P6 milyones nga pondo nga nakapain para sa food packs sang mga pamilya nga naapektuhan sang pandemiya sa siyudad sang Roxas.
Suno kay Ocampo nga suportado sang Sangguniang Panlungsod ang lihok sang gobyerno sang siyudad nga maghatag sang kasadyahan indi lamang sa mga empleyado sang gobyerno kalakip man ang mga residente sang siydud.
Mahibaluan nga nagalab-ut sa P25,000 ang mabaton nga bunos sang mga regular nga emplyeyado samtang P5,000 naman ang sarang nga mabaton nga bunos sa mga casual, contractual kag mga job hire employees sang gobyeno sang siyudad.
