ROXAS CITY – Ginabulubanta nga naglab-ot sa P50,000 ang nangin kahalitan sa pagkasunog sang balay sa Barangay Concepcion, Dumalag, Capiz.
Totally burned ang balay ni Victorio Fabraquel 55-anyos nga nagbiya sa ila puluy-an sang nagluntad ang sunog.
Ginpahayag ni FO1 Ryan Celino sang Dumalag Fire Station nga nagaguwa sa imbestigasyon sang talatapan nga napabayaan nga saksakan ang ginhalinan sang sunog.
Nahibaluan nga wala sang tawo ang balay ni Fabraquel bangud may ginpadulungan ang mag-asawa.
Nadiskubrehan na lamang sang ila kaingud balay ang nagadaba daba nga kalayo sa ila sala tobtob gintupok ang bug-os nga balay nga human sa light materials.
Kalakip sa mga nasunog ang 36 ka sako sang palay kag mga kagamitan sang pamilya Fabraquel.
Samtang gilayon naman naghatag sang inisyal nga bulig sa pamilya Fabrquel ang LGU sang Dumalag.
