ROXAS CITY – Nagtumbo tumbo sa tuman nga kalipay ang 49-anyos nga regional prize winner sang P50,000 sa grand draw sang Buena Mano Salvo year 14 promo matapos mabatian mismo ang iya pangalan nga winner sa Visayas area.
Nagtulo ang luha ni Mrs. Merlyn Florentino sang Barangay Barra, Roxas City, nga isa sa mga audience nga nagsaksi sa grand draw sang nasambit nga promo kaina sang hapon kag indi makapati nga siya ang nagdaug sa regional prize nga P50,000.
Aminado si Florentino nga antes ini nagpadulong sa broadcast center sang Bombo Radyo nagpangamuyo ini nga magadaug.
Suno pa sa ginang nga daku nga bulig sa ila nga pamilya ang nadag-an nga premyo, bangud magamit nila ini sa pagbakal sang kinahanglanon sa ila balay kag ipasulod sa banko ang mabilin nga kantidad.
Nahibaluan nga avid listener kag madugay na nga naga-entra si Florentino sa tanan nga mga promos sang Bombo Radyo Philippines kag makapila naman ini ka beses nga nagdaug.
Nakaandan na sini nga maghimo sang mga entries samtang yara sa balay bangudsadto pa nagapati na ini sa hurubaton pag may tiyaga may nilaga.
