ROXAS CITY – Arestado ang duha ka mga drug personality sa ginpatigayon nga drug buy bust operation sa Pueblo de Panay, Barangay Lawaan, Roxas City.
Ginkilala ang mga drug suspek nga sanday Raymund Galicto 46-anyos sang Sitio Nasagud, Barangay Lanot, Roxas kag John Micheal Labesora 18-anyos sang Barangay Tanque, Roxas City.
Narekober sa mga suspek ang 15 ka sachets sang shabu nga may market value nga nagalab-ot sa P500-K, .38 revolver, .45 caliber pistol, cellphones, weighing scale, itum nga pouch, duha ka motorsiklo nga gingamit sa transaksyon kag buy bust money.
Ginpahayag ni Police Lt. Ricardo Jomuad, hepe sang Roxas City PNP nga pila ka bulan nga ginpaidalum sa monitoring sanday Galicto kag Labesora antes ang madinalag-on nga operasyon sang mga kapulisan.
Ginakabig nga high value target si Galicto nga amo ang subject person sa amo nga operasyon.
