ROXAS CITY – Dakop ang 8 ka mga lalaki sa ginkasa nga drug buy bust operation sang Regional Police Drug Enforcement Unit kag Provincial Drug Enforcement Unit– Capiz sa San Roque St., Barangay Inzo Arnaldo Village, Roxas City alas 11:20 kagab-i.
Ginkilala ang mga drug suspects nga sanday Jan Drew Villanueva, Jaymar Abiero, John Klent Bermejo kag Julex Alisla lunsay mga residente sang Mejorada Subdivision, Barangay Inzo Arnaldo Village, Roxas City, Anthony Tullo sang San Roque St., Roxas City; Eugene Danieles sang Barangay Baybay, Roxas City; Elmer Arrojado sang Barangay Banica, Roxas City kag Rogel Jose sang Burgos Ilawod, Roxas City.
Narekober sang mga pulis ang 14 ka sachet sang shabu nga nagalab-ot sa 70 grams kag may market value nga P500,000, drug buy bust money nga P40,500 kag boodle money nga P40,000.
