Magasugod buwas nga adlaw, Mayo 12, sa isa ka dako nga mall sa Barangay Lawaan, Roxas City ang payout sang cash relief assistance sang Department of Social Welfare and Development Regional Office 6 para sa mga public utility vehicle ukon PUV drivers sa probinsya sang Capiz.
Sa interview sang Bombo Radyo kay Therese Fely Legaste, Public Information Officer sang Department of Social Welfare and Development Regional Office 6, iya ginpahayag nga ang listahan sang mga benepisyaryo nga jeepney drivers ang naghalin sa datos sang Land Transportation Franchising and Regulatory Board ukon LTFRB.
Suno kay Legaste, ang mga kwalipikado nga makabaton sang P5,000 nga cash assistance amo ang mga PUV drivers halin sa mga banwa sang Maayon, Panay, Panitan, Roxas City, Cuartero, Dao, Dumalag, Dumarao, Ivisan, Jamindan, Mambusao, Sapian, Sigma kag Tapaz.
Dugang pa ni Legaste, kinahanglan magdala ang mga benipesyaryo sang original nga valid driver’s license kag isa ka photocopy bilang kabahin sang requirments.
Target sang ahensya nga mahatagan sang ayuda ang halos 6,000 ka mga PUV drivers sa Western Visayas.
