ROXAS CITY – Ginkumpirmar ni Department of Agriculture (DA) Regional Director Remelyn Recoter nga magapadayon ang pagpanagtag sang P5,000 nga ayuda para sa mga mangunguma sang humay, sa probinsya sang Capiz, posible sa bulan sang Agosto.
Prayoridad suno diri ang mga rehistrado nga rice farmers nga wala makabaton sang nagligad nga distribusyon.
Suno pa diri, may kabug-osan nga P1.4 billion nga pondo ang Region-6 para sa masobra 200K nga benepisyaryo sa Western Visayas, kag na-download na sa karon ang P140 million nga amu ang iga-distribute.
Matandaan nga ba-se sa guidelines, rehistrado ang rice farmer kag 2 hectares panubo ang ulumhan.
Ginpahayag man ni Recoter nga may mga palaabuton pa nga programa kag subsidiya ang DA sa mga mangunguma, magluwas pa sa sini nga ayuda, sa karon nga administrasyon.
