Nag-alokar ang administrasyon sang kapin P63-B nga budget para sa mga proyekto sang National Irrigation Administration (NIA) agud mapasangkad ang imprastraktura sa agrikultura kag mahatagan sang moderno nga kagamitan ang mga mangunguma.
Suno kay President Ferdinand Marcos Jr. sa inagurasyon sang Mahayag Dam kag turnover sang solar-powered pump irrigation projects sa Zamboanga del Sur , iya ginpahayag nga ang kabug-usan nga pondo para sa mga programa kag proyekto sa sektor sang agrikultura subong nga tuig nagalab-ot sa halos P300-B.
Prayoridad suno sa iya ang ginhatag sa mga mayor nga probinsya nga nagapatubas sang humay, mais, kag high-value crops, kag mga lugar nga madamo nga mga mangunguma ang narehistro sa Registry System for Basic Sectors in Agriculture (RSBSA).
Dugang pa sang Presidente, nagalaum siya nga ang mga mangunguma magaserbe nga inspirasyon sa mga pamatan-on nga nagadamgo nga mapasanyog ang agrikultura kag makaserbisyo man sa pungsod.
