ROXAS CITY – Gin-aprubahan sang Sangguniang Panlalawigan ang kapin P7 milyones nga pundo para sa sweldo sang mga job orders nga mga empleyado sang anay talatapan sang Hospital Management Services kag Special Concerns Office sang Provincial Government.
Suno kay Board Member Jonathan Sonny Besa nga naghinyo si Capiz Governor Esteban Evan “Nonoy” Contreras sa Sangguniang Panlalawigan nga mahatagan sang pondo ang mga nasambit nga talatapan nga sadto nangin zero budget agud masweldohan ang mga job hire employees nga nabutang sa alang-alang nga paghire sadtong bulan sang Enero.
Apang gin-thag ni Besa nga 7 miyones ka pesos lang sa baylo nga 10 milyones ka pesos ang gin aprubahan nga pondo sang Sangguniang Panlalawigan gikan sa “maintenance and other operating expenses” nga pondo sa idalum sang office of the governor.
Kabaylo sini, ginhinyo sang Sangguniang Panlalawigan nga mag issue sang executive kag administrative order si Contreras nga nagabawi sa pagtukod sang mga nasambit nga talatapan.
Sa karon wala na sang opisina sa provincial government nga Hospital Management Services ukon HMS kag Special Concerns Office.
