Hugot nga ginpanginwala ni Metro Manila Development Authority (MMDA) Chair Atty. Romando Artes ang nagalapta nga post online nga ginapahayag may P787.6 billion pesos sila nga pondo para sa flood control program sang nakaligad nga duha ka tuig.
Ginpahayag ni Artes nga wala sila sang amo kadako nga pondo apisar tingubon pa ang pondo sang MMDA, 49 ka tuig na ang nakaligad halin sang gintukod ang ila opisina.
Sa pagkamatuod suno kay Artes, sadtong 2023 may yara lang sila sang P1.8 billion budget, samtang P2.2 billion naman sadtong 2024.
Kalakip na suno diri ang P400 million pesos nga pondo para sa operation and maintenance sang 71 nga pumping stations.
Pahayag pa sang opisyal, apisar tingubon pa ang nangin budget sang MMDA sa sulod sang 49 ka tuig nga operasyon, indi sa gihapon malab-ot ang ginaapahayag nga PhP787.6 billion.
