Ginbuyagyag ni Former Department of Public Works and Highways (DPWH) District Engineer kag state witness nga si Henry Alcantara nga P800 million ang pinakadako nga kantidad nga iya gindul-ong sa staff ni Former Ako Bicol Partylist Representative Elizaldy Co.
Ini ang pahayag ni Alcantara kadungan sang iya pag-atubang sa Sandiganbayan Third Division kadungan sang bail hearing ni anay Senador Ramon Revilla Jr kag sang iya kaupod nga akusado sa kaso nga malversation.
Ginkilala ni Alcantara ang isa sa mga tinawo ni Revilla nga ginpahayag ginhatagan niya sang kwarta nga si Paul Estrada.
Ginpahayag man ni Alcantara sa korte nga nakahimo siya sang pila ka delivery kay Estrada sa Lady Bug Street sa Valle Verde, sa diin ginapahayag may propedad ang anay kongresista.
Suno sa anay opisyal sang DPWH, ginpahayag nga naghatag ini sang 25% nga kickback gikan sa ginabulubanta P6 billion tubtob P8 billion nga pondo para sa iya distrito sa idalum sang General Appropriations Act (GAA) sang 2023.
Sa subong, pending pa sa Sandiganbayan ang kaso nga graft kag malversation batok kay Co may kaangtanan sa ginaalegar substandard nga proyekto sa Naujan, Oriental Mindoro.
