ROXAS CITY – Aminado ang Provincial Administrator sang Capiz nga may pila ka mga Job Orders (JO’s) kag Contract of Service (COS) nga wala masweldohan sang halos duha na ka bulan.
Ini ang ginkompirmar ni Provincial Admnistrator Edwin Chinel Monares sang mainterview sang Bombo Radyo.
Suno diri nga ini ang mga JO’s kag COS nga nagasulod sa trabaho apisar nga nagtapos na ang ila kontrata kag padayon nga gina-evaluate kun iga re-hired ang mga ini ukon indi.
Dugang pa niya nga dapat kuntani nga naga pakig-angot ining JO’s kag COS sa ila mga Department Head agud nga indi maglaom kag mahibaluan kun ma re-hired pa bala sila.
Bukas naman ang opisina sang Administrador sa mga JO’s kag CO’s nga luyag hibaluon ang ila estado sa ila trabaho sa gobyerno.
Nahibaluan nga si Monares karun ang nagapungko sa karun nga pinuno sang Human Resource Department sang Provincial Government.
