ROXAS CITY – Gindepensahan karon sang provincial administrator ang gobyerno probinsiyal angut sa wala mapapasar nga Annual Investment Program 2020 sang probinsiya.
Ini matapos nga ginpabalik sang Sangguniang Panlalwigan sa executive department, matapos ila nakit-an ang pila ka mga errors.
Kasunod sa pagpabalik sang sanggunian ang ila proposal nga magreconvene ang Provincial Development Council (PDC) agud ma-amyendahan ukon ma-rectify ang pila ka mga errors nga ila nakita.
Ginpahayag ni Dr. Edwin Monares nga posible ang ginaduso nga pag-reconvene sang PDC sang Sangguniang Panlalawigan.
Apang antes matigayon ini, kinahanglan nga may yara sang agenda nga sigurado mangin sentro sang pagatalakayon nga isyu agud mapatawag ang mga miyembro sang PDC kag makaangkon sang quorum.
Gindepensahan man sini si Governor Esteban Evan Contreras II nga chairperson sang PDC bangud indi lamang ini ang naga-aprubar kundi kalakip ang mga alkalde nga miyembro man sang Provincial Development Council.
Ginklaro pa ni Monares nga dapat sa sinapol pa lamang sang PDC, wala nagpirma ang mga alkalde kun wala nila matsekyar sang maayo ang dokumento angut sa annual budget.
