ROXAS CITY – Paano bala proteksyonan si manoy? Ano bala ang mga butang nga kinahanglan likawan sang mga kalalakinhan agud indi ma-damage ang ila kinatawo?
Sa interview sang Bombo Radyo Roxas kay Dr. Cesar Yap Jr., ginpahayag sini nga dapat gid halongan sang mga kalalakinhan ang ila pribado nga parte sang ila lawas, bangud ini ang sensitibo.
Suno kay Dr. Yap, dapat likawan sang mga kalalakinhan nga mabunggo, masul-an, halongan nga indi maipit, agud malikawan ang erectile dysfunction kag dapat masami nga magsuksok sang brief agud nga maproteksyonan.
Dugang pa ni Yap, sa tion nga indi magtindog ang kinatawo sang lalaki may yara pa sang mga pamaagi agud mabalik ang gana sini, bangud may yara sang mga bulong nga posible tumaron sang kalalakinhan agud nga mangin aktibo pag-abot sa sexual life.
Importante man suno diri ang regular ejaculation bangud isa ini sa makabulig nga makalikaw sa prostate cancer ang mga kalalakinhan.
Kun ang isa ka lalaki ang natam-an sa stress posible man ini nga maepektuhan ang iya nga erection.
Makabulig ang pagkaon sang mga masustansya nga pagkaon kag ugalion nga mag-inom sang madamo nga tubig para mangin healthy kag mangin aktibo.
